Конфедерациялар кубоги-2017. Стартга 15 кун қолди

​2005 йилги Конфедерациялар кубоги мусобақасида Германия 15та гол уриб мезбонлар орасида рекордчига айланганди. Мутлоқ рекорд эса Бразилияга тегишли. 1999 йил Мексикадаги мусобақада Пеле ҳамюртлари 18та гол уришганди.

Германия ўша мусобақада учинчи ўринни эгаллаганди. Юрген Клинсманн шогирдларининг ўйинлари кўпчиликка маъқул келганди. Дунё ҳужумкор футбол кўрсатаётган жамоани кўришганди. Орадан тахминан 10 йил вақт ўтиб шу жамоа Йоахим Лев қўл остида Жаҳон чемпиони бўлганди.

1999 йил Бразилиядан ташқари Испания 2013 йилги Конфедерациялар кубогида 15та гол урганди. Аммо бунчалик кўп гол урилишига жамоаларнинг йирик ғалабалари сабаб бўлганди. Бразилия 1999 йил Саудия Арабистони устидан 8:2 ҳисобида мағлуб этганди, испанлар эса 2013 йилда Таитини тор-мор этганди - 10:0.

Германия эса ўз майдонидаги мусобақада ҳар бир ўйинда ўртача 2-4тадан гол урганди: 4 – Австралия, 3 – Тунис, 2 – Аргентина, ярим финалда Бразилияга қарши 2та ва учинчи ўрин учун баҳсда Мексикага 4та гол.