Клублар ўртасидаги ЖЧ. Бугун финалда "Реал" ва "Гремио" ўйнайди
16 dec 2017 11:02
News

Клублар ўртасидаги ЖЧ. Бугун финалда "Реал" ва "Гремио" ўйнайди

Бугун БАА мамлакатида ўтаётган клублар ўртасидаги Жаҳон чемпионатининг финал учрашуви бўлиб ўтади.

Ҳал қилувчи ўйинда Испаниянинг "Реал Мадрид" ва Бразилиянинг "Гремио" клублари тўқнаш келишади. Бу учрашув Тошкент вақти билан соат 22:00да бошланди. Агар Зидан шогирдлари ғолиб бўлишса "Реал Мадрид" ушбу мусобақада кетма-кет икки марта зафар қучган дунёдаги биринчи клубга айланади.

Тошкент вақти билан соат 19:00да эса мусобақанинг учинчи ўрини учун баҳс бошланади. Унда БААнинг "Ал Жазира" ва Мексиканинг "Пачука" клублари тўқнаш келишади. Кўплаб футбол мухлисларимиз ҳеч бўлмаса бугун Сардор Рашидов майдонга тушишини кутишмоқда.