Клопп: “Уйимизда жодугар меҳмон бўлиб кетган кўринади”

“Ақлдан оздирувчи ҳафта бўлди. Жуда кўп нарсаларни бошдан кечирдим, аммо охирги воқеалар сабаб уйимизга жодугар ташриф буюргандек туюлмоқда. Тўғриси, ҳар куни кимдир қандайдир сабабларга кўра сафдан чиқмоқда. Охирги учрашувда Жоэль Матип ўйнай олмади, аммо Натаниэль Филлипс яхши ҳаракат қилди, гарчи у олдинроқ жароҳатидан кейин бир кун машғулот ўтказган бўлса ҳам. Фирмино учрашувда қатнашолмади ва Хендерсонда ўйин вақти бўйича чеклов бор эди, бу эса хавотирли ҳолат. Вазият шундай, ҳаммаси кўпчилик тасаввур қилгандек зўр эмас", дейди немис мутахассиси.

Ҳозирда мерсисайдликлар лазаретида Матип ва Фирмино билан бирга Тьяго Алькантара, Ибраима Конате, Диогу Жота, Кёртис Жонс, Кивин Келлехер, Алекс Окслейд-Чемберлен, Кельвин Рэмси ҳамда Кейд Гордон бор.