Клопп: "Кутилмаганда ҳамкасбимга зарба бериб юборишим мумкин"

"Айни дамда "Ливерпуль" жаҳоннинг энг яхши жамоаси эмас. Ҳозир ким энг яхши бўлишни истайди? Биз эратага ва индинга энг яхши жамоа бўлишни хоҳлаймиз. Шартномани имзолашдан олдин жамоани ташқаридан ўрганиб чиқдим, мени қониқтирди. Менга Лионель Месси ёки Криштиану Роналдуни сотиб олишлари керак эмас.

Қандай ўйин услубини ёқтираман? Жиннича. Жаҳон даражасидаги жамоалар - "Бавария", "Барселона", "Манчестер Сити" ва "Реал" тўп билан кўпроқ эгалик қилишга интилади, аммо бу осон эмас. Рақиб сенга устунликни бериб қўйиб, ҳимояда кутмайди.

Футболчилар терма жамоадан қайтганидан сўнг, келаси ҳафтада машғулотларни бошлаймиз. Мен майдонда тезликни кўришни истайман, аммо биринчи навбатда мухлислар учун ўйнаётганимизни ҳисобга олиш лозим.

Англия чемпионатига кўникишим керак. Балки керак эмасдир, чунки Англиянинг маҳаллий жамоаларига қарши ўйинларда тажрибам бор. Мураббийлар ўриндиқлари жуда яқин жойлашган ва кутилмаганда ҳамкасбимга зарба бериб юборишим мумкин. Баъзида ўзимни бошқара олмай қоламан" - дейди Клопп.