Клаудио Браво Ла Лигага қайтади

Испаниялик журналист Матео Гонсалес хабарига кўра, “Манчестер Сити”дан кетган Клаудио Браво фаолиятини яна Испания Ла Лигасида давом эттиради. Қайд этилишича, Браво “Бетис” клуби билан келишувга эришган. Томонлар тез орада бу борада расман эълон қилади.

37 ёшли дарвозабон 2016 йил ёзида “Барселона”дан “Манчестер Сити”га ўтганди. У 4 йил давомида Манчестер шаҳри жамоаси сафида 61 та ўйинда қатнашиб, ўз дарвозасидан 60 та гол олиб чиқди. 20 та баҳсда эса ўз дарвозаси дахлсизлигини сақлаб қолди.