Кин МЮнинг ғалабали серияси ҳақида: “Бу яхши, аммо уларга жиддий рақиб учрамади”

“Улар яхши серия қайд этмоқда, охирги ўйинларда мағлубиятга учрашмади, аммо аслида уларга жиддий рақиб дуч келмади. Яқин ҳафталарда “Манчестер Сити” ва “Арсенал” билан тўқнаш келишади.

Ва ҳозирча ишончим комил эмас. Менимча, ҳимояда ҳали ҳам муаммолар бор. Дарвозадаги Давид де Хеадан ҳам кўнглим тўлмаяпти.

Очиғи, улар ўтган мавсумга нисбатан яхшиланишди, аммо буни амалга ошириш қийин эмасди. Роналду билан боғлиқ вазият бартараф қилинди ва бу ёрдам беришига ишонаман. Бироқ, такрор айтаман, уларда тажриба ошириш учун бир қанча осон ўйинлар бор эди", дейди Кин.

Эслатиб ўтамиз, Эрик тен Хаг шогирдларини 10 январда лига кубоги доирасида “Чарльтон” билан ўйин, чемпионат доирасида эса 14 январда “Сити”га қарши дерби кутмоқда.