«Кимдир ўлдими?». Месси «Интер Майами»га ўтишини эшитган Дэвид Бекхэм ётган жойида йиғлаб юборган экан
25 mar 10:21
News

«Кимдир ўлдими?». Месси «Интер Майами»га ўтишини эшитган Дэвид Бекхэм ётган жойида йиғлаб юборган экан

«Интер Майами» хўжайини Дэвид Бекхэм Лионель Мессининг ўз клубига келаётганини қаердан эшитганини айтиб берди.

«Лео ПСЖни тарк этишини эълон қилганди. Японияда эдим, тонгги соат 4 ёки 5 да ухлаб ётгандим, телефоним тинмай жиринглай бошлади.

Хотиним мени туртиб гапирди: «Телефонни ўчир, ухлаш керак». Кўзойнагимни олдим ва телефонда Месси Майамига келишни қарор қилганини ўқидим. Мен жойимга ўтирдим ва йиғлаб юбордим.
Виктория эса менга қараб: «Нима бўлди? Тинчликми? Кимдир ўлдими?»
Мен унга жавобан: «Месси келади, у Майамига келмоқда» дедим. Интернетга кирсам, барча жойда шу ҳақда ёзишган экан», — деди Бекхэм RMC Sport нашрига.