Кичик дербида “Нефтчи” ғолиб

Учрашувнинг 33 дақиқасида “Нефтчи”нинг навбатдаги ҳужуми самара келтирди. Меҳмонлар ўйинчисини майдон эгалари ўнг қанотда қўполлик билан тўхтатиб қўйишди. ЖИззат Ғаниевнинг жарима тўпини амалга оширилиши гол билан интиҳо топди. Жарима майдончасига оширилган тўпни Отабек Зокиров совуққонлик билан “Навбаҳор” дарвозасига йўллади 0:1.  

Биринчи бўлимнинг қолган дақиқаларда жамоалар ҳарчанд ўринишмасин, дарвозани ишғол этиш ҳеч кимга насиб этмади.

Иккинчи бўлимда Сергей Ковшов шогирдлари ҳужумни кучайтиришди. Ўз навбатида мезбонлар ҳам ҳужумга зўр беришди. Аммо ҳар гал омад футболчилардан юз ўгирди.

“Нефтчи” ўринбосарлари учинчи баҳсда ҳам ғалаба қозонишди. Ўринбосарларимиз ҳисобидаги очколар сони 9 тага етди.

Ўтган йили бу жамоаларнинг баҳсида “Навбаҳор” ўйинчилари 3:0 ҳисобида ғалаба қозонганди.  Бу йил эса фарғоналиклар ғалаба қозонишди.

Ёшлар лигаси

3 тур

“Навбаҳор” -“Нефтчи” 0:1 (0:1)

Гол: Отабек Зокиров 33.

“Нефтчи”: Абдумавлон Абдужалилов,  Максимилиан Фомин (Вячеслав Понамарёв 46), Игорь Петкович, Достон Турсунов, Шохруҳ Холматов,  Музаффар Музаффаров (Равшан Тоҳиров 60), Жавоҳир Расулов (Алишер Файзуллаев), Иззатбек Ғаниев, Отабек Зокиров, Нодир Камолов (Муҳаммаджон Мамашокиров 90), Мурод Бобожонов (Отабек Исроилов 46).