Кейн: “Ювентус” – фантастик жамоа, аммо”

“Бу ёқимли ҳис-ҳаяжон. Шунақа ўйинлар учун ҳам биз ЧЛда иштирок этишни истаймиз. Ўйлайманки, биз яхши ўйин кўрсатамиз.

“Юве” фантастик жамоа, мен бу чақирувни хурсандчилик билан қабул қиламан. Ҳар доим айтиб келганман: дуёнинг энг кучли ҳимоясига қарши ўйнаш орзуим бўлган. “Юве” ана шундай жамоалардан бири.

Кўпчилик бизни гуруҳдан чиқишимизга ишонмаганди, биз биринчи ўринни эгалладик. Шу боис “Ювентус”га қарши баҳсда ўзимизга ишонишимиз лозим. Ахир майдонда 11 киши 11 кишига қарши ҳаракат қилади.

Ўтган мавсум у қадар яхши иштирок эта олмадик. Ҳозир ўзимизга бўлган ишончимиз юқори ва тажрибамиз ошган”, дея Кейннинг сўзларидан иқтибос келтирмоқда УЕФА расмий сайти.