Карим Бензема яна "Ал Иттиҳод" машғулотларини тарк этди, "Олтин тўп" соҳиби "Навбаҳор"га қарши ўйнамаслиги мумкин

Карим Бензема бош мураббий Марсело Гальярдонинг талабларини бажаришдан бош тортгани учун душанба куни эрта тонгда "Ал Иттиҳод" машғулотларини тарк этди.

Манбанинг хабарига кўра, машғулотнинг биринчи қисмида жамоанинг қолган аъзолари билан иштирок этган, бироқ иккинчи қисмида 48 ёшли аргентиналик мутахассис Бенземага индивидуал тарзда шуғулланиши кераклигини айтган. Форвард бу қарорга рози бўлмай, ўз норозилигини ошкора билдириб, машғулотни тарк этган.

Гальярдо Бенземадан омма олдида кечирим сўрашини кутмоқда.

"Олтин тўп" соҳибининг эса жамоасини ўзгартириши мумкинлиги тўғрисидаги миш-мишлар авж олмоқда. Карим, катта эҳтимол билан, Осиё Чемпионлар лигаси 1/8 финал доирасидаги "Навбаҳор"га қарши ўйинни ўтказиб юборади.

Бензема бугун (7 февраль) "Аль Таи"га қарши ўйин қайдномасига киритилмади. Учрашув Тошкент вақти билан 23:00 да бошланади.