Latest news

19:11Ўзбекистон Кубоги. "Пахтакор" – "Олимпик-MobiUz", "Хоразм" – "Навбаҳор"  1 18:50Куртуа Трент ҳақида: "Унинг жарима зарбалари ва бурчак тўплари – бошқа даражада, бундай техникaни ҳеч қачон кўрмаганман"  1 18:27Эшитдик-да! Шацких "Пахтакор"дан икки андижонлик футболчини "Андижон"га олиб келмоқчи  12 17:49Клублар ўртасидаги Жаҳон чемпионатида қайси жамоа ғолиб бўлади? Opta жавоб берди  9 17:10Лаутаро билан Чалханоғлу ўртасидаги низо туфайли "Интер"да фавқулодда йиғилиш бўлиб ўтди  2 16:05Марказий Осиё. Қозоғистонда пешқадам очко йўқотди, Қирғиз Республикасида кубок ярим финалчилари маълум, Туркманистонда "Аркадағ" 3 та гол ўтказиб юборди  1 15:28Зейтуллаев, Алибоев, Йўлдошев ва Жиянов — Суперлигада 14-турнинг энг яхшилари  3 14:07Алибоев, Норчаев, Жиянов, Ҳожимирзаев ... Суперлига 14-тур рамзий терма жамоаси  7 13:27Расман: Оливье Жиру "Лилль"га ўтди  0 13:08"Барселона" 2025/26 мавсум учун уй либосини тақдим этди  4 12:40Ла Лига раҳбари Тебас клублар ўртасидаги ЖЧ ҳақида: "Бу турнир бошқа ўтказилмаслиги учун қўлимдан келган барча ишни қиламан"  10 12:15Гёкереш инглиз клуби билан келишиб олди  2 11:47Факт: Вадим Абрамов жамоаси Виталий Левченко бошқараётган "Нефтчи"ни ҳали ютмаган  10 10:48Бугун аёллар терма жамоамиз Лаосга қарши баҳс олиб боради  0 10:19Суперлига. 15-тур расмийлари маълум. Марказий учрашувни Лутфуллин бошқариб боради  7

Камолиддин Мурзоев: "Қатар билан пенальтилар сериясигача боришни мўлжаллаб майдонга чиққандек таассурот қолдирдик" News

Камолиддин Мурзоев: "Қатар билан пенальтилар сериясигача боришни мўлжаллаб майдонга чиққандек таассурот қолдирдик"

Ўзбекистон терма жамоасининг Осиё Кубогидаги натижаси футболчилар, мутахассислар томонидан турлича талқин қилинмоқда

Биз бу борада собиқ футболчи ва Ўзбекистон футболчилар уюшмаси раҳбари Камолиддин Мурзоевнинг фикрларини тингладик. 

- Осиё Кубогидаги қолган терма жамоаларга назар ташлаб туриб ва бу йилги мусобақа даражасидан келиб чиқиб айтганда, чорак финал Ўзбекистон учун қониқарли натижами?

- Аслида бундай ўйинлардан кейин интервьюлар бериш, саволларга жавоб қайтариш қийин бўлади. Уришдан кейин чиққан қаҳрамон ёки ёмғирдан кейин чиққан қўзиқоринлар каби фикрлар ёғилади. Шундай бўлсада мажбуриятимиз юзасидан саволларингизга жавоб бериб ўтаман. Умуман оладиган бўлсак, ҳозирги ҳолатдаги жароҳатлар, йўқотишлардан келиб чиқиб айтганда натижани қониқарли десак бўлади. Мутахассис сифатида айтишим мумкинки, терма жамоамиз бундан ҳам узоқроққа бора оларди. Бу йилги мусобақа даражаси аввалгиларига нисбатан сезиларли даражада ошгани маълум бўлди. Биз билган етакчи жамоаларнинг барчаси қийналди. Бу барча давлатларда футбол ўсганидан далолат беради. 

- Қатар биздан қайси жабҳаларда устун келди ва биз қайси камчиликларимиз ҳисобига мағлуб бўлдик?

- Чорак финал ўйини ҳақида гапирадиган бўлсам, илк дақиқалардан Қатарга устунликни бериб қўйдик. Биринчи бўлимда уларда ўхшади. Қатар ўз ўйинини кўрсатди. Футболда шундай сўз бор, рақиб қандай ўйин таклиф қилса, иккинчи жамоа шунга мослашиб қолади. Фикримча, Қатарнинг кучли тарафларини ишлатиши учун қаршилик кўрсата олганимиз йўқ. Биринчи ва иккинчи гол оралиғида терма жамоамиз бутун халқ кутган, мухлислар истаган ўйинни кўрсата олишди. Ҳисобни тенглаштирганимиздан кейин ҳам 5-10 дақиқа босим қилишимиз керак эди. Мана шу вақтда ўйинимизда узилиш бўлди. айтганимдек, бу ўйиндан кейинги фикрлар. Ўша жараёнда буни ўзгартириш, вазиятни тўғрилаб кетиш мураббийнинг салоҳиятига боғлиқ эди. Қатарда ўзгаришлар ҳам тўғри амалга оширилди. 

- Ўзбекистон аввал ҳам пенальтилар сериясида омадли бўлмаган. Энг аламли мағлубиятларимиз пенальтилар сериясига тўғри келади. Қатар билан ўйинни пенальтигача олиб бориш қанчалик тўғри эди?

- Пенальтилар серияси алоҳида мавзу. Бу давр нуқтаи назаридан кичик мусобақа ҳисобланади. плей-офф ўйинларидан бошлаб пенальтилар сериясининг актуаллиги ошади. Машғулотлар давомида, машғулотлардан сўнг ҳар бир жамоанинг пенальтичилари бўлади. Барибир бу нарса ўйинлардан олдин синаб олиниши керак. Кимлар тепади, кимда ишонч юқори ва ҳоказо. Шундай футболчилар бўлади, ўз хоҳиши билан ҳам пенальти тепмайди. Бу ўзига яраша катта руҳий босим. Пенальтиларда ишлашда дарвозабонлар ҳам тайёргарлик кўриб олади. Қайси футболчи қаерга йўналтиради, ундан аввалги футболчи қаерга тепди бу дарвозабонлар учун шпаргалка ҳисобланади. Футболчи учун эса бошқача. Қарорингизни сўнгги сонияларда ўзгартириб юборишингиз мумкин. Футболда эътиборсиз қолдириб бўлмайдиган бирор нарса қолмаган. Ҳар қандай ҳолатга тайёр бўлишингиз керак. Аламли томони ҳам пенальтилар сериясида мағлуб бўлганимиз. Худдики пенальтилар сериясигача боришни мўлжаллаб майдонга чиққандек кўриниб қолдик. Қатар эса пенальтигача ҳал қилишга ҳаракат қилди.  

- Сречко Катанецнинг қайси қарорлари сиз учун жумбоқ бўлди?

- Мураббий сифатида Катанец мен учун ҳамон жумбоқлигича қолмоқда. Ўйинни олиб бориш услубидан, интервью жараёнларигача менга жумбоқ. Қарорлари, ўзгаришлари, тактикаси ҳақида кенгроқ матбуот анжуманида ўзидан сўраган маъқул, деб ўйлайман. Шундай саволлар борки, бунга мен жавоб берсам этикага тўғри келмаслиги мумкин.

Rating: +7   

Comments

championat.asia
< show latest news
Яндекс.Метрика