Жулио Сезар 13 йиллик танаффусдан сўнг “Фламенго”га қайтди

38 ёшли футболчи 13 йиллик танаффусдан сўнг яна ўзининг жонажон жамоасига қайтди. Сезар айнан “Фламенго” таркибида профессионал футболдаги фаолиятини бошлаган эди. 

Жулио бунгача 1997-2005 йилларда “Фламенго” клуби шарафини ҳимоя қилганди. Сезар “Бенфика”дан Бразилия клубига кўчиб ўтди. Дарвозабон ва Лиссабон клуби ўтган йилнинг ноябрь ойида ўзаро келишган ҳолда шартномани бекор қилишганди.