Жоан Лапорта: "Барселона" ва "Реал" ўртасидаги муносабатлар яхши эмас"

"Муносабатлар яхши эмас, чунки улар Негрейра ишида қатнашишмоқда. Улар аҳамиятсиз ва ишонтирмайдиган далиллар келтиришмоқда.

Иш очилиши уларда қизиқиш уйғотди. Бу бизга ёқмайди ва вазият кескин. Биз абадий рақибмиз, лекин бунга ҳурмат билан ёндашамиз.

Майамида "Вильярреал"га қарши ўйин мавзусини кўтаргим келмайди. Бошиданоқ Испания футболчилари ассоциацияси ва бошқа клублар қаршилигига дуч келдик. Ўйлайманки, бу беллашув Ла Лигани сохталаштирмас эди”, – деди Лапорта Catalunya Ràdioга берган интервьюсида.

Эслатиб ўтамиз, 2023 йилда “Барселона” ва унинг раҳбарияти Испания Қироллик футбол федерацияси (RFEF) ҳузуридаги ҳакамлар техник қўмитасининг собиқ вице-президенти Хосе Мария Энрикес Негрейрага 2001–2018 йиллар орасида бир неча миллион евро тўлаганлик учун пора бериш айблови билан жиноий иш доирасига тортилиши ҳақида хабар берилган эди.

Яқинда мазкур иш бўйича судда бир нечта шахслар, жумладан Негрейранинг ўғли Хавьер Энрикес ҳамда “Барселона”нинг собиқ президентлари Сандро Росель ва Жозеп Бартомеу ҳам кўрсатма берган.