Жо Харт яқин вақт ичида Лондон клубига кўчиб ўтади

Англиянинг "Манчестер Сити" клуби дарвозабони Жо Харт яқин вақт ичида "Вест Хэм" аъзосига айланади. Тажрибали посбон "болғачилар" сафига ижара асосида кўчиб ўтади. Футболчининг клуб билан тузган ижара шартномаси 1 йилга амал қилади. Бу билан "Вест Хэм" дарвозабонни мавсум сўнгигача тўлиқ сотиб олиш ҳуқуқига эга. Хартнинг трансфер нархи 10 миллион фунтга баҳоланмоқда. Аввалроқ, "Манчестер Сити" дарвозабонни 25 миллион евро эвазига сотишни мақсад қилганди, бироқ бунча пулга посбони ҳеч ким сотиб олмаган. Ўтган мавсум Жо Харт ижара асосида Италиянинг "Торино" жамоасини ҳимоя қилганди.