Жепаров жамоаси ОЧЛ ўйинини Туркманистонда ўтказмоқчи
09 jan 2018 16:10
News

Жепаров жамоаси ОЧЛ ўйинини Туркманистонда ўтказмоқчи

ОЧЛ-2018 гуруҳ босқичи доирасидаги "Истиқлол" - "Ал Ҳилол" учрашуви Туркманистонда бўлиб ўтиши мумкин.

"D" гуруҳидан ўрин олган мазкур ўйин 20 февраль куни бўлиб ўтиши лозим. Эрон ва Саудия Арабистони мамлакатлари ўртасидаги сиёсий вазият туфайли учрашув нейтрал давлатда бўлиб ўтиши керак. Сервер Жепаров ўйнаётган "Истиқлол" бу баҳсни Туркманистонда ўтказишни хоҳламоқда. Бу ҳақда ahdaaf нашри хабар берди.

Бу ҳолат фақатгина ОФК томонидан тасдиқланса бас.

Ушбу гуруҳда шунингдек Қатарнинг "Ар Райян" клуби ҳам бор. Яна бир жамоа "Ал Айн" (БАА) - "Малкия" (Баҳрайн) ўртасидаги ўйиндан сўнг маълум бўлади.