ЖЧ-2018. Таркиблар ва статистика

Таркиблар чиққач ФИФА расмий сайти баъзи қизиқ рақам ва маълумотларни келтириб ўтди.

- Демак, 32 терма жамоа сафида 23тадан жами 736 футболчи рўйхатдан ўтди. Шулардан 200 нафари аввал ҳам жаҳон чемпионатида қатнашган. Хусусан 186таси ЖЧ-2014да, 61 таси ЖЧ-2010да, 21 нафар футболчи эса ЖЧ-2006да ўйнаган. 

- Шунингдек, фақат бир футболчи ЖЧ-2002да ҳам қатнашган. Бу мексикалик Рафаэль Маркес. Маркес фаолиятида давомида бешта жаҳон чемпионатида ўйнайдиган тўртинчи футболчи бўлади. Бунгача Антонио Карбахал, Лотар Маттеус ва Жанлуижи Буффон бешта ЖЧда иштирок этган. 

- Англия терма жамоасида бирорта ҳам легионер йўқ. Бу борада кейинги ўринларни Россия (2та легионер) ва Саудия Арабистони (3та легионер) эгаллаб турибди. Сенегал билан Швециянинг эса аксинча таркиби фақат легионерлардан иборат. Бельгия, Исландия, Нигерия ва Швейцарияда биттадан маҳаллий ўйинчи бор. 

- ЖЧга борадиган футболчилардан 53 нафари аввалги мундиалда ҳам тўп киритган. Энг кўп гол урганлар орасида Томас Мюллер (10та гол) биринчи ўринни эгаллаб турибди. Кейинги ўринларни Хамес Родригес (6), Тим Кэйхилл (5), Гонсало Игуаин (5), Лионель Месси (5) ва Луис Суарес (5) эгаллаб турибди. 

- Мисрлик Эссам эл Ҳадари ЖЧ-2018 иштирокчилари орасида ёши энг катта футболчи ҳисобланади. Бу дарвозабон ҳозир 45 ёшда. Мирслик дарвозабон иккинчи ёши катта футболчи Рафаэль Маркесдан олти ёшга катта. У шунингдек, уч нафар бош мураббийлардан ҳам катта. Бу мураббийлар - Алиу Сиссе (Сенегал), Младен Крстаич (Сербия) ва Роберто Мартинес (Бельгия). 

- Уругвай бош мураббийи Оскар Табарес мундиалдаги энг қария мураббий ҳисобланади. У 71 ёшда. Таққослаш учун у Сенегал устози Алиу Сиссе билан унинг ўртасидаги ёш фарқи 29ни ташкил этади. 

- Бу йилги жаҳон чемпионатининг энг ёш футболчиси Австралия термаси ярим ҳимолячиси Даниэль Арзани бўлади. У ҳозир 19 ёшда. Маълумот учун, ЖЧ-2006да Тео Уолкотт (17), ЖЧ-2010да Кристиан Эриксен (18) ва ЖЧ-2014да Фабрис Олингалар (18) энг ёш футболчи бўлишган. 

- Миллий терма жамоаларга энг кўп футболчи берган клуб бу "Манчестер Сити". "Сити"дан 16 нафар ўйинчи ЖЧда қатнашади. Бу борада кейинги ўринларни "Реал" (15 футболчи), "Барселона" (14), "Челси", ПСЖ ва "Тоттенхэм" (ҳар учаласи 12 нафардан) эгаллаб туришибди.