Жамшид Саидов: "Футболчиларим "Обод"га муносиб баҳо бера олмади, шекилли"
12 mar 2016 18:59
News
![](https://championat.asia/upload/storage/201264_original.jpg)
![](/upload/storage/201264_220.jpg)
Жамшид Саидов: "Футболчиларим "Обод"га муносиб баҳо бера олмади, шекилли"
- Бугун футболчилар рақибга муносиб баҳо бера олмади, шекилли? Шундай бўлса-да, кўп жиҳатлар бўйича ёмон ўйнадик. Келаси учрашувларда камчиликларни бартараф қиламиз, деган умиддаман, - дейди Саидов.
- Жамоа илк дақиқалардан ҳужумкор ўйин кўрсатиши кутилганди!?
- Мавсум энди бошланди. Ҳозир ҳужумкор ўйин ҳақида гапириш бироз эрта. Агар ўйин аввалида гол урганимизда учрашув бошқача кўриниш оларди.
- Жамоа яққол ҳужумчисиз ўйнаганини нима билан изоҳлайсиз?
- Нега? Таркибда ҳужумчилар бор. Улар бугун майдонга тушишди. Мурзоев эса, тайёр эмас.
- Жамоада номдор футболчилар бор. Лекин ўйин шунга мос бўлмади?!
- Тўғри, гапингизга қўшиламан. Аммо биз ҳали яхши ўйинларимизни кўрсатамиз.
- “Обод” ҳақида фикрингиз.
- Иштиёқи кучли жамоа, келаси учрашувларда омад тилаймиз.
- “Бухоро”да Тачмурод Агамуродов нима иш қилади?
- У маслаҳатчи мураббий. Шамакович билан ҳамкорликда ишлаймиз. Танаффусда ва бошқа пайтларда ўйинимизни муҳокама қиламиз.
- Захира ўриндиғи ҳақида нима дейсиз?
- Бизда тенг кучли таркиб бор. Захирадан тушадиганлар ўйинни бемалол кучайтира олади.
Фурқатбек Нишонов
Similar news
![AMP Logo](https://championat.asia/image/logo-amp.png)
Comments