Иван Бошкович: "Рақиб дарвозасига 4 та гол уриб ғалабага эришиш ёқимли"
26 may 2024 22:50
News

Иван Бошкович: "Рақиб дарвозасига 4 та гол уриб ғалабага эришиш ёқимли"

Суперлиганинг 9-туридан ўрин олган "Сўғдиёна" - "Бундёдкор" (4:0) учрашувидан сўнг мезбонлар бош мураббийи Иван Бошкович матбуот анжуманида иштирок этди.

Ўйин ҳақида

- Рақиб дарвозасига 4 та гол уриб ғалаба қозониш албатта ёқимли. Бироқ, биз навбатдаги ўйинларда ҳам ғалабалар қайд этишимиз учун ҳимоямизни ҳам мустаҳкамлашимиз лозим. Бугун Дориев, Мавлонқулов, Ёвович каби футболчилар ўзларини кўрсатишди. Даража ва индивидуал маҳорат кўп эпизодларни бизнинг фойдамизга ҳал қилди. Ёшларга ҳам имконият бераяпмиз. Навбатдаги ўйинларга тайёргарликка киришамиз.

- Трансферлар ойнаси вақтида қайси чизиқларни ўзгартирмоқчисиз?

- Бу масалани жамоавий кўриб чиқамиз. Мен қўл остимдаги йигитларга ишонаман. Кўп ўзгариш қилиш режамиз йўқ. Машғулотларда ишлаймиз, бизда ҳозир мавсум учун етарли таркиб бор. Ўзгариш қиламизми, йўқми, машғулотлар ва ўйинлар мобайнида аниқлаб борамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3