Испанияга қарши бугунги ўйиндан олдин Харри Кейнга ЖЧ-2018нинг "Олтин бутса"си топширилади
08 sep 2018 20:46
News

Испанияга қарши бугунги ўйиндан олдин Харри Кейнга ЖЧ-2018нинг "Олтин бутса"си топширилади

Бугун 23:45да Англия ва Испания терма жамоалари "Миллатлар кубоги" доирасида ўзаро беллашишади.

Англия терма жамоасининг твиттердаги расмий саҳифасида маълум қилинишича, бугун жамоа ҳужумчиси Харри Кейнга ЖЧ-2018 тўпурари сифатида "Олтин бутса" топширилади. Харри Россия яшил майдонларида 6та гол урган эди.

Ўз навбатида, Харри Кейн ўзининг твиттер саҳифасига бугунги баҳсда кийиб тушадиган бутсаси расмини жойлади. "Nike" компанияси томонидан ишлаб чиқилган ушбу бутса тилла рангда ва Англия терма жамоаси рамзи билан безатилган.