Исломбек Исмоилов: "Бугун 14 кишига қарши ўйнаб икки очко йўқотдик"
14 oct 2020 19:57
News

Исломбек Исмоилов: "Бугун 14 кишига қарши ўйнаб икки очко йўқотдик"

ПРО-Лига 11-туридан ўрин олган "Истиқлол" - "Турон" (0:0) учрашувидан сўнг меҳмонлар бош мураббийи Исломбек Исмоилов ўз фикрларини билдириб ўтди.

- Исломбек ака, бугунги ўйин ҳақида фикрларингиз қандай?
- Бугунги ўйин ҳақида нима дейиш мумкин? 14 кишига қарши ўйнаб, икки очко йўқотдик. Қачонгача бундай холатга чидаш мумкин, тўғриси ҳайронман.

-Статистикага қарайдиган бўлсак, бугун "Турон"дан кўра "Истиқлол" футболчилари ҳакам томонидан карточкалар билан огоҳлантирилишди...
- Лекин, ҳакамлар кўпроқ бизнинг жамоани ҳужумларини тўхтатиб қўйишди. Рақиб томонидан ишлатилган майда қоидабузарликларга эътиборларини қаратишмади. Учрашув ҳаками ўйиннинг бошидаги 30-дақиқагача 9 марта, 11 марта рақибларнинг қўполликларини жазоламади. Бугунги ўйинда "Истиқлол"нинг камида икки футболчисига қизил карточка кўрсатиши керак эди.

Бу каби "дерби" учрашувларига ҳакамлар қўмитаси тажрибалироқ бўлган ҳакамларни жалб этиши керакдир балки. Умуман айтганда, ҳакам бугун ўйин назоратини издан чиқариб юборди. Учрашув охирида юзага келган низоли вазиятларга ҳам айнан ҳакам сабабчи бўлди.

- Вазиятга тўғри қарайдиган бўлсак, бугун "Турон" сафар учрашувида очко олишга эришди. Балки бу жамоа футболчиларига қандайдир мотивация берар? Бундан ташқари кейинги турда мусобақа жадвалининг энг сўнги поғонасини эгаллаб турган "Зомин" билан уйда ўйнайсизлар...
- Билмадим, бундай ўйинлар бизга мотивация беради деб айта олмайман. "Зомин" билан ўйин ҳақида айтадиган бўлсам, тўғри уйда ўйнаймиз. Албатта, бу учрашувга астойдил тайёргарлик кўрамиз. Биз ҳар бир ўйинда ғалаба учун майдонга тушамиз" - дейди "Турон" бош мураббийи.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6