Ироқ бош мураббийи: "Ўзбекистонга қарши ўйин жуда муҳим"
15 jan 2016 17:17
News

Ироқ бош мураббийи: "Ўзбекистонга қарши ўйин жуда муҳим"

Ироқ олимпия терма жамоаси U23 Осиё чемпионатининг 2-турида Ўзбекистонга қарши ўйнайди.

Жамоа бош мураббийи Абдул Ғани Шаҳад ушбу ўйиндан олдин ўз фикрларини билдирди.

"Биз Жанубий Кореяга қарши ўтадиган ўйингача гуруҳдан чиқиш масаласини ҳал қилмоқчимиз. Сабаби корейслар жуда кучли жамоа", - дейди мураббий "Ал Гарафа" стадионидаги машғулотлардан сўнг.

"Мақсадимиз, гуруҳдан чиқиш. Ўзбекистонга қарши ўйин жуда муҳим. Рақиб жуда кучли. Бу жамоа сафида 2015 йилги Осиёнинг энг кучли ёш футболчиси Достонбек Ҳамдамов ўйнайди. Шу боис ўйин қийин кечади".

"Яманга қарши баҳсда яхши ўйнаб 3 очко олдик. Шунга қарамай ўша ўйинда ҳам хатолар бўлди, уларни такрорламаслик керак".

"Олимпиадага чиқишни барча жамоа истайди. Бу катта мусобақа ҳисобланади. Бизнинг сафимизда бир қатор қобилиятли футболчилар бор, мақсадимизга эришамиз деб ўйлайман", - дейди Абдул Ғани Шаҳад.

Эслатиб ўтамиз, Ўзбекистон - Ироқ учрашуви 16 январь куни Тошкент вақти билан 21:30да бошланади.

Link :

Source : championat.asia

Receive latest football news directly on your phone. Subscribe for our Telegram channel!

Rating: +2