Ион Марин: "Локомотив" ўз майдонида ўйнайди, шу боис устунликка эга"

Анъанага кўра учрашувдан бир кун аввал иккала жамоа бош мураббийлари ва биттадан футболчи иштирокида матбуот анжумани ўтказилди.

Матбуот анжуманининг биринчи қисмида «Қувайт СК» бош мураббийи, руминиялик Ион Марин ҳамда жамоа аъзоси Жараҳ Ал Атиқи иштирок этишди.

"Эртага яхши ўйин бўлади. Икки жамоанинг ҳам яхши шаклланган. Об-ҳаво биз учун бироз ноқулай келган бўлсада, майдоннинг аҳволи яхши ҳолатда экан. Бу ҳолат бизни қувонтирди. "Локомотив" ўз майдонида ўйнаётганлигини инобатга олган ҳолда, уларни бироз кучлироқ деб айтган бўлар эдим. Жорий мавсум "Локомотив" кўплаб харидларни амалга оширди. Умуман олганда Улуғбек Бақоевнинг БААдаги мураббийи сифатида, ўзбек футболчилари яхши ҳаракат қилишларини биламан", - дейди жамоа бош мураббийи Ион Марин.

- “Локомотив”га қарши тайёргарликдан қониқиш ҳосил қилдингизми?
- Шундай деса ҳам бўлаверади. Қувайтдаги тайёргалигимиздан кўнглим тўлди. Натижасини эртага кўрамиз.

- Об-ҳаво ҳақида гапириб ўтилди, аммо профессионал футболчилар бу нарсага тайёр бўлиши керак деб ўйлаймиз...
- Тўғри айтасиз, футболчиларимиз об-ҳавога жиддий эътибор қаратишлари керак эмас. Ўйинга ким биринчи бўлиб мослашиб кетса, ўша жамоа ғалаба қозонади. Таркибимизда 4 нафар хорижлик футболчи бор. Маҳаллий ўйинчиларимиз ҳам улардан қолишмайдилар. Бугунги кунда мамлакатимизда футбол ўсиб бораяпти. Буни МТЖ қайд этаётган натижалардан ҳам билиб олсак бўлаваеради.