Latest news

17:29Суперлигада қолиш учун қайси клублар кураш олиб бориши маълум  0 17:26Виталий Левченко: "Кейинги мавсумда Фарғонада қолишим ёки қолмаслигимни билмайман"  0 17:10Суперлига. "Нефтчи" сафарда ютқазди, "Андижон" Тошкентда ғолиб бўлди ва қолган натижалар   34 16:34"ЎФФ Президенти кубоги" мусобақасида 3-тур учрашувлари ўтказилди  0 15:57"Кристал Пэлас" — "Манчестер Юнайтед". Таркиблар маълум  2 15:26Рафинья "Барселона"ни АПЛ клубига алмаштириши мумкин  4 14:42Симеоне Серлотнинг "Атлетико"дан кетиши мумкинлиги ҳақида гапирди  0 13:32Вальвердега яна бир АПЛ даъвогари пайдо бўлди  4 12:37"Ливерпул" ПСЖ юлдузини ўз сафига қўшиб олмоқчи. Трансфернинг асосий шарти маълум  6 11:51"Интер" "Реал" дарвозабонини ўз сафига қўшиб олиши мумкин  0 11:22Лондон клуби “Ювентус" юлдузини нишонга олди  0 10:57"Шўртан" футболчисига Қувайт ва Сербиядан қизиқиш бор  5 10:34ЎзПФЛ "йил футболчиси" учун номзодларни 5 тагача қисқартирди  20 10:10Месси жаҳон рекордини янгилади  41 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  9

Иброҳим Ибрагимов: "Тожикистонинг "Истиқлол" клубига ўтиш мен учун ортга ташланган қадам бўларди. Дебют ўйинимда бурчакдан гол уриш ҳаёлимга ҳам келмаганди" News

Иброҳим Ибрагимов: "Тожикистонинг "Истиқлол" клубига ўтиш мен учун ортга ташланган қадам бўларди. Дебют ўйинимда бурчакдан гол уриш ҳаёлимга ҳам келмаганди"

Бекободнинг "Металлург" жамоаси ёзги трансфер ойнасида таркибин бир нечта ёш ва тажрибали футболчилар билан кучайтиришга эришди.

"Бунёдкор" тарбияланувчиси ҳисобланган, ўтган мавсумдан бери бош жамоада ҳаракат қилиб келаётган Иброҳим Ибрагимов ҳам эндиликда "Металлург" шарафини ҳимоя қилади. Иқтидорли ярим ҳимоячи Суперлиганинг 13-туридан ўрин олган "Қизилқум"га қарши баҳсда янги жамоасида дебютини амалга оширди. Суперлигадаги илк расмий ўйинида  бурчк зарбасидан тўғридан-тўғри Игнатий Нестеров дарвозасини аниқ нишонга олди. Биз бу борадаги таассуротлар, "Металлург"га ўтиш жараёни ва бошқа мавзуларда Иброҳим Ибрагимовга бир нечта саволлар билан юзландик. 

- Ёзги трансферлар ойнасида "Бунёдкор"дан "Металлург"га кўчиб ўтдингиз. Бу жараён қай тариқа юз берди?

- Биринчи бўлиб менга "Металлург" селекционер мураббийи Илҳом ака Шарипов қўнғироқ қилдилар. Бош мураббий Жасур Бродарович ўз жамоасида кўришни истаётганини айтдилар. Клуб раҳбарлари, мураббийи билан гаплашдик. Жамоанинг келажаги, мақсадлари ва шароитлари билан танишдик. Таклиф мени қониқтирди. "Металлург" келажагим учун яхшигина пойдевор бўлади, деган умиддаман. Энг асосийси жамоа бош мураббийининг ўзи менга қизиқиш билдирган. Шу боис кўп ўйлаб ўтирмасдан "Металлург"ни танладим. "Бунёдкор"да кетаётганимда клуб бош директори Улуғбек ака Мирзаев билан барча нарсани қонуний қилиб кетдим. Жамодаги акаларим, мураббийлар, раҳбарият билан дўстона хайрлашдик. Яхши кайфиятда кузатишди. "Бунёдкор"га катта раҳмат айтаман. 6 ёшимдан бери мазкур клубдаман, менга ҳақиқий мактаб вазифасини ўтаб берди.   

- Тожикистоннинг "Истиқлол" клуби бош мураббийи Виталий Левченко сайтимизга берган интервьюларидан бирида сизни яхши билишини, қизиқишини айтиб ўтганди. Шахсан ўзингизга душанбеликлардан чорлов бўлдими?

- "Истиқлол" бош мураббийи Виталий Григоревич Левченко агентимга мурожаат билан чиққан. ОЧЛ бошланишидан олдин менга қизиқиш билдирганди. Бу ҳақидаги хабарлар рост. Тўғрисини айтсам Тожикистонга боргим келмади. Ўзбекистон чемпионатининг даражаси Тожикистонникидан юқори ҳисобланади, деб ўйлайман. "Истиқлол"га ўтиш мен учун ортга ташланган қадам бўларди. 

- "Металлург"даги дебют ўйинингиздан қандай таассуротлар қолди?

- Афсуски, дебют ўйиним мағлубият билан якунланди. Тўғри гол урдим. Лекин буни жамоам учун фойдаси бўлмади. "Қизилқум"га қарши яхши ўйин ўтказдик. Вазиятлардан фойдалана олганимизда ҳисоб бошқача бўларди. Ўйин давомида рақибдан устунлигимиз кўриниб турди. Бироқ натижа ижобий эмас. 

- Бурчакдан тўғридан-тўғри урган голингиз шу пайтгача урган голларингиз ичида энг чиройлисими?

- Гапингизга қўшиламан. Ҳаттоки, ёшлар , академия, ўринбосарлар жамоаларида ҳам бунчалик чиройли гол урмаганман. 

- Ушбу гол тажрибали ва номдор Игнатий Несетров дарвозасига урганингиз билан ҳам қадрли, десак бўладими?

- Эсда қоларли гол, десам муболаға бўлмайди. Боз устига бу Суперлигадаги илк голим. Буни ҳали кўп эслайман. Дебют ўйинимда бурчакдан чиройли гол уриш ҳаёлимга ҳам келмаганди.

Абдулазиз Искандаров суҳбатлашди

Rating: +11   

Comments

championat.asia
< show latest news
Яндекс.Метрика