"Интер" ёзда ҳимоячи излайди

Ҳозирча Милан клуби томонидан учта асосий номзод белгилаб олинган. Булар – "Бавария" ҳимоячиси Бенжамен Павар, "Аталанта" футболчиси Жоржо Скальвини ва "Рома" мудофаа чизиғи вакили Крис Смоллинг. 

Жамоанинг асосий ҳимоячиларидан бири Милан Шкриньяр жамоани ёзда тарк этиши деярли аниқ бўлиб қолди. Стефан де Врейнинг жамоадаги келажаги сўроқ остида. Бу А Серия клубига энг камида иккита ўринбосар керак дегани.

Паварни ёзда 30 млн евро атрофидаги маблағга қўлга киритса бўлади. 19 ёшли Скальвинини олиб келиш 40 млн евродан кўпроққа тушиши тайин. Смоллинг юқоридаги учлик орасида энг кам харажатга тушадиган футболчи. 

"Лилль" аъзоси Тиагу Жало "Интер" билан боғланган футболчилардан бири бўлиб турибди.