Инглиз клублари Лингард билан қизиқмоқда

Хабар қилинишича, 27 ёшли ярим ҳимоячига "Ньюкасл", "Эвертон", "Вест Хэм" ва "Лестер" клублари қизиқиш билдирмоқда.

Лингардининг амалдаги шартномаси 2021 йилнинг 30 июнигача амал қилади. Шартномага кўра, футболчи билан шартнома муддати узайтирилиши ҳам мумкин.

Англиялик футболчининг трансфер қиймати 17,5 миллион еврога баҳоланмоқда.

Маълумот учун, Лингард МЮ тарбияланувчиси бўлиб, 2000 йилдан буён шу клубда ўйнайди.

Олдинроқ, ОАВда "Манчестер Юнайтед" "Боруссия"дан Жейдон Санчони сотиб олиш учун Лингардни сотмоқчи экани ҳақида хабарлар тарқалган эди.

Ушбу мавсумда Жесси 35 та ўйинда 2 та гол уриб, 2 та голга ассистентлик қилди.