Илдар Сакаев: “Йигитлар характер кўрсатишди!”
29 apr 2015 20:12
News

Илдар Сакаев: “Йигитлар характер кўрсатишди!”

Ўзбекистон Кубогининг 1/16 босқичидан ўрин олган “Оқ-тепа” – “Нефтчи” учрашуви якунлангач, мезбонлар устози ўйин ҳақидаги фикрлари билан ўртоқлашди.

- Кубок ўйини худди бугунгидек кескин курашларга бой тарзда кечиши одатий ҳол. Бугун йигитлар ўз имкониятларини қай даражада эканлигини намойиш қилишди. Қолаверса, ўз характерларини ҳам кўрсата олишди.

- Ўйлайманки, характерни қолган баҳсларда ҳам намойиш қила олишади. Энг асосийси, футболчилар янада ўсишлари мумкинлигини исботлашди. Ва албатта бугун вазиятлардан фойдаланганимиз бизнинг ютуғимиз бўлди.

- “Нефтчи” бизни менсимасдими? Бу ҳақида ҳеч нарса дея олмайман. Рақибнинг ўйинига баҳо бера олмайман. Аниғи шуки, ҳар қандай жамоа ҳар бир учрашувга ғалаба мақсадида тушади. Жумладан биз ҳам!

- Мазкур ғалаба учун футболчиларга раҳмат дейман! Чунки улар бугун ўзларига юклатилган вазифани тўлақонли бажаришди - дейди Илдар Усманович.

Link :

Source : oq-tepa.uz

Receive latest football news directly on your phone. Subscribe for our Telegram channel!

Rating: