Икки карра Европа чемпиони Испания ҳукуматини судга берди

Испаниялик собиқ ҳужумчи Фернандо Торрес Испания ҳукумати ва Мадрид шаҳри кенгаши устидан судга мурожаат қилди, деб хабар берди "El Confidencial". У коронавирус пандемияси чекловлари туфайли спорт заллари тармоғига етказилган зарар учун 800,000 евродан кўпроқ товон талаб қилмоқда.

Эслатиб ўтамиз, Фернандо Торрес "Атлетико" тарбияланувчиси бўлиб, "Ливерпуль", "Челси" ва "Милан" клубларида ўйнаган. Шунингдек, "Эль-Ниньо" 2010 йилги жаҳон чемпиони ва Евро-2008, Евро-2012 ғолиби саналади. Бундан ташқари, Торрес – Европа чемпионатининг икки хил финалида гол урган тарихдаги ягона футболчи.