Игорь Шквирин: "Никитани майдонга тушириб таваккал қилдим"

"Бу мавсумда деярли ҳар бир ўйинда икки таймда икки хил ўйнаяпмиз. Баъзида биринчи таймда ёмон ўйнаймиз баъзида иккинчисида. Бугун биринчи бўлимдаги ўйинимиз ва натижадан қониқдим. Танаффусда йигитлар берилган кўрсатмаларни бажаришмади. Майдон марказида кўп хато қилдик. Пишурни яхшилаб қўриқлаш кераклигини айтгандим. Тақвим чиққанида биз учун яхши келган деб ўйлагандик, ҳозир эса аксинча эканини кўраяпмиз. Биз пастки ўринларга тушиб кетмаслик учун ҳар бир ўйинда очко жамғаришимиз керак. Хонимқулов ҳозир руҳий ўрага тушиб қолган. "Бунёдкор"га қарши ўйинда голлар ўтказиб юборди. Никитани майдонга тушириб таваккал қилдим. Шукурки барчаси яхши бўлди. Ўтган беш ўйинда Станоевич ўйнаганди, бугун Саидкомил Акбаровни туширдим. У ишончни оқлади деб ўйлайман. Дарко сафга қайтганидан кейин ким кучли бўлса ўша майдонга тушади", - дейди Шквирин.