Игорь Шквирин 1990 йилларда "Спартак" Москвага ўтиши мумкинмиди?

"Австрия ва Бельгияга кўрикларга борганимда, Александр Тарханов (1991-1992 йилларда "Пахтакор"ни бошқарган) "Спартак"да Олег Романцевга ёрдам бераётганди. Шунда Романцев Тархановга: "Агар Шквирин синовдан ўта олмаса, уни ўзимизга олиб кетайлик", деди.

Натижада, "Хапоэль" билан шартнома имзоладим. "Спартак" ҳақида уч йил ўтиб, 1995 йилда билдим. Ўша пайтда Малайзияда ўйнаётгандим. Шунга қарамай, "Спартак" менга қизиққан. Андрей Пятницкий қўнғироқ қилиб: "Сени "Спартак"ка таклиф қилишмоқчи", деди. Бироқ Малайзия клуби билан шартнома имзолаганимга 2 ой бўлганди. Мен жавоб бердим: "Клублар гаплашсин, музокара қилсин".

Албатта, ўшанда "Спартак"да пул унчалик кўп эмасди, лекин барибир у ерга борган бўлардим. Мен "Спартак" қандай ўйнашидан яхши хабардор эдим – шунчаки тўғри очилиш ва оёқни қўйиш кифоя қиларди".

Подкастнинг тўлиқ версиясини ҳавола орқали кўришингиз мумкин (рус тилида):