Иброҳимҳалил Йўлдошев тўп тепадиган клуб ўз номини ўзгартиради

Россия футбол иттифоқи Ижроия қўмитаси бюроси Нижний Новгород клуби номини ФК "Пари НН"га ўзгартиришга келишиб олди.

“Қарор: Нижний Новгород автоном нотижорат ташкилоти футбол клубини АНО ФК "Пари НН" қисқартирилган номи билан “Пари Нижний Новгород автоном нотижорат ташкилоти” футбол клубига ўзгартириш тўғрисида келишилиб олинди”, — дейилади иттифоқ баёнотида.

Маълум қилинишича, Нижний Новгород бюджет етишмовчилигидан халос бўлиш учун ўз номини "Парибет Нижний Новгород"га ўзгартиришни режалаштирмоқда.

Мавсум якунига кўра, Александр Кержаков шогирдлари 33 очко жамғариб, РПЛда 11-ўринни эгаллади.