Ибрагимович "Милан"ни тарк этишга қарор қилди
21 mar 2020 23:40
News

Ибрагимович "Милан"ни тарк этишга қарор қилди

Хабарингиз бор, "Милан" ҳужумчиси Златан Ибрагимович Италияда авж олган пандемия хавфи туфайли Швецияга йўл олиб, у ерда коронавирусга қарши кураш учун "Kick the Virus away!" компаниясига старт берган эди.

"SportMediaset" нашри хабарига кўра, форвард Италияга қайтганидан кейин клубни тарк этиш қарорини расман эълон қилади. Бунга сабаб "россонерилар" бошқарув тизимида рўй берган ўзгаришлардир. Швециялик ҳужумчи Бобаннинг "Милан" бошқарувидаги лавозимни тарк этганидан норози бўлган.

Эслатиб ўтамиз, аввалроқ "Милан" бош директори Иван Газидис билан келишмовчилик туфайли жамоанинг ижрочи директор Звономир Бобан клубни тарк этганди.