Latest news

14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  13 11:56Тимур Кападзе Паулу Бенту ҳақида фикр билдирди  27 11:44Карлуш Кейруш: "Бир неча йил аввал Ўзбекистон футболи "уйқу"да эди"  24 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  4 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7

Ҳамиджон Актамов: “Қизилқум” учун ўтган 10 турдаги энг қизиқ баҳс Самарқандда бўлди” News

Ҳамиджон Актамов: “Қизилқум” учун ўтган 10 турдаги энг қизиқ баҳс Самарқандда бўлди”

“Динамо” – “Қизилқум” (2-2) учрашувидан кейин дастлаб меҳмонлар бош мураббийи Ҳамиджон Актамов матбуот анжуманида ўйин борасидаги саволларга жавоб қайтарди.

- “Динамо” жамоаси Самарқандда ҳали мағлуб бўлмаётганлигини жуда яхши билардик. Шунга яраша тайёрландик. Бугун икки жамоага ҳам озроқ омад етишмади. Икки жамоа ҳам яхши ўйин намойиш этди. Мухлислар жанговар баҳс кўришди. Дўстлик ғалаба қозонди, менимча. Ютолмаган бўлсак ҳам, дурангдан хафа эмасман. Сабаби ўтган 10 тур давомида бугунги Самарқандагидек ўйин бўлмаганди. Яъни, биз учун бу йил энг қизиқ баҳс Самарқандда бўлди. Жуда юқори темп, курашлар, ҳужумлар. Фикримча, мухлислар роҳатланишди. “Динамо” ҳам ажойиб ўйин намойиш этди.

- “Қизилқум” ғалабали ҳисобни қўлдан бой берган бўлса-да, жамоа ўйинидан қониқдингизми?

- Чинданам, 2-2 натижага қарамай, жамоам ўйинидан ҳам қониқдим. Очиғини айтиш керак, бунақанги ҳужумкор футбол яқин орада бўлмаганди. Кўрдингиз – икки томонда ҳам сўнгги сонияларгача навбатдаги голларни уриш учун имкониятлар бўлди. Икки жамоа ҳам ҳужумкор ўйин кўрсатди. “Динамо” билан бугунги ўйин “Қизилқум” учун бу йилги энг қизиқарли баҳс бўлди, шубҳасиз.

- Навоийдаги сўнгги турда жамоангиз “Сурхон”га мағлуб бўлгач, ўйин давомида маҳаллий мухлислар босимига дуч келганлигини кўргандик. Жамоа бу баҳсга қандай тиклана олди?

- Биласизми, стадион трибуналарида ҳар доим футбол кўрадиган ҳам, футболни кўра олмайдиган ҳам келади. Шу боис, ҳар доим йигитларимга уқтираманки, трибунадаги ҳайқириқ ва эътирозларга эътибор қилманг деб. Трибунада бекорчи одам кўп, қиладиган иши йўқлар писта чақиб, ўйин давомида футболчини ҳам, мураббийни ҳам сўкиб ўтиради, асабийга ўйнайди. Бундайларга фарқи йўқ, ким ғалаба қозонишини. Мана шундай мухлислар камайса футболимиз ютади. Бундай одамлар ҳамма шаҳарларда футболни орқага тортади. Чунки, бундайлар ҳамма жойда бор. Бу футбол – ўша куни омад “Сурхон”га кулиб боқди. Футбол ўзи шунақа. Ким ҳам ютқазмайди дейсиз... Ҳаттоки “Барселона” ютқазаяпти 4-0 ҳисобида. Шу учун футбол халқ ўйини. Бугун ёмғирга қарамай, Навоийдан келиб бизни қўллаб-қувватлаб турган ишқибозларга раҳмат! Улар бизни ўйин билан табриклашди. Ҳақиқий мухлислар мана шундай бўлади! Агар ёмонни ёмон деяверсангиз ҳеч қачон яхши бўлиб қолмайди.

- Легионер ҳужумчи Смит Медина нега таркибга киритилмади?

- Биласизми, бугунги ўйин учун таркибни шахсан ўзим аниқладим, ҳеч ким билан маслаҳатлашмадим. Айтишим мумкинки, Самарқанддагидек ўйинга Медина умуман ёрдам бера олмасди бизга.

- Эркин Бойдуллаевни илк марта марказий ҳимояда кўрдик ва у яхши ўйин намойиш этди. Бу Навоийдаги мағлубиятдан кейин ротациямиди ёки мажбурий танловми?

- Бу клубнинг ички сири деган бўлардим. Шу сабаб бу саволга аниқ жавоб беришни истамасдим. Шундай қарорга келгандим. Битта нарса дейишим мумкин, жамоамиздаги барча футболчилар ва ёшлардан Эркин Бойдуллаевдан ўрнак олишларини сўрайман. Эркин 34 ёшга кирганига қарамай, исталган ёш футболчилардан яхшироқ ўйнамоқда. Уни ҳимояда қўйсам ҳам, ҳужумга қўйсам ҳам кўрсатмани бажара олади. Бундай универсал футболчи ҳамма ишни қила олади. ЎФАдаги тест имтиҳонларида ҳам 5 та тестдан 4 тасини аъло даражада топширди. Исталган ёшлардан кўпроқ ишлаяпти. Ҳамма таҳлилчилар буни кўриб туришибди. Аммо негалдир, Эркин Бойдуллаевни Ўзбекистон миллий терма жамоасига чақиришмайди. Эркин исталган нуқтада ўзини кўрсата олган бўларди.


Усмон ИБОДОВ ёзиб олди.

Rating: +1   

Comments

championat.asia
< show latest news
Яндекс.Метрика