Latest news

13:41Рауль – "Байер" мураббийлигига номзодлардан бири  0 13:38Гулжигит Аликулов - Ўмон билан ўйин, "Қайрат" ва Жалолиддинов ҳақида   0 13:25ФОТОГАЛЕРЕЯ. "CAFA Nations Cup-2025". Туркманистон – Ўзбекистон 1:2  1 12:55Футбол юлдузлари ўтган ҳафтани қандай ўтказди?  0 12:34Дидар Дурдиев: "Ўзбекистон билан дуранг ўйнашимиз мумкин эди"  2 12:00Игорь Сергеев: "Шквирин ва Аҳмедовни ортда қолдирдим? Термада шахсий статистика эмас, жамоа манфаати муҳимроқ"  4 11:39Алишер Одилов: Терма жамоадаги дебютим кутганимдек зўр бўлмади, сабаби..."  10 10:40Суперкомпьютер Чемпионлар лигаси фаворитлари номини эълон қилди  11 10:04Бугун Ўзбекистон U-23 терма жамоаси ҳам Осиё кубоги саралашидаги юришини бошлайди  4 09:06Халқаро ўртоқлик турнири. Бугун ўсмирларимиз Англияга қарши майдонга тушади  9 08:35Ёзнинг энг қиммат ТОП-10 трансфери. Рўйхатнинг дастлабки учта ўрни бир жамоага тегишли  7 08:04"Байер"дан хайдалган тен Хаг қанча товон пули олиши маълум  8 07:32Абдуқодир Ҳусанов "Манчестер Сити"нинг EЧЛ қайдномасидан жой олди  13 02:20Хейлунд МЮдан кетганидан қаттиқ ҳафа бўлган. Ҳужумчи ўзини Шешкодан яхшироқ деб ҳисоблаганди  7 01:50УЕФА "Барселона"га EЧЛ лига босқичи давомида "Камп Ноу"га қайтишига рухсат беради. Регламентда бу тақиқланганди  12

Ҳаким Фузайлов: "Ҳимоямиздаги қўпол хатоларимиз қимматга тушди" News

Ҳаким Фузайлов: "Ҳимоямиздаги қўпол хатоларимиз қимматга тушди"

“Андижон” ҳамда “Бухоро” (2:1) ўртасидаги учрашувдан кейинги ташкил қилинган матбуот анжуманида дастлаб меҳмонлар бош мураббийи Ҳаким Фузайлов қатнашди.

Ўйин ҳақида

-  Биз “Андижон”дан шундай ўйинни, асосан стандартларга мослашган ўйинни кутгандик. Афсуски, ҳимоямиздаги қўпол хатоларимиз бизга қимматга тушди. Бундан ҳеч қанақа фожеа ясаш шарт эмас. Фақатгина ҳимоядаги хатоларимиз ҳисобига мағлубиятга учрадик. Биз Суперлигага чиқиш йўлида 2-ўрин учун курашамиз. 

-  Мухлисларсиз ўйин сизда қандай таассурот қолдирди?

- Албатта, мухлисларсиз стадионда ўйнаш яхши эмас. Футболчилар мухлислар учун ўйнашади ва улар билан тўла стадионда янада яхшироқ ҳаракат қилишади. Лекин ишқибозларнинг йўқлиги футболчиларга қўшимча куч бағишламайди, деб ўйлайман. 

-  “Турон” очко йўқотяпти. “Бухоро” эса очко тўплаб яқинлашиб қолди. “Турон”нинг очко йўқотиши жамоангизга мотивация беряптими?

-  Фақат мотивация беряпти, деб ўйламайман. Ўйинчиларимиз учрашувларга яхши тайёргарлик кўришяпти. Тўғри, бугунгидек ўйин билан очко йўқотяпмиз. Лекин ўйлайманки, ҳали ҳеч нимани бой бермадик ва 2-ўрин учун кураш давом этади. Олдиндаги 5 та турда биз охиригача курашамиз. Хатоларимизни тўғрилаб вазифамизни бажаришга ҳаракат қиламиз.

-  “Бухоро” “Андижон” билан ўзаро учта ўйинда фақат 1 очко олди. Бунга нима сабаб?

-  Ўйлайманки, биз бугун “Андижон”га ўйин бўйича ютқазмадик. Қайсидир маънода баъзи жабҳаларда кучли ҳам ўйнадик. Худди шундай ўйин Бухорода ҳам бўлганди. Ўшанда ҳам яхши ўйнаб туриб мағлубиятга учрагандик. 

-  Жасур Ҳасанов нега майдонга туширилмади?

-  “Турон” билан ўйинда қўпол хатога йўл қўйганди. Шундан сўнг “Машъал” билан учрашувдан биз ёшларга имконият беришга қарор қилдик. Миржалол Жумаев ишончимизни оқлай бошлади. У “Машъал”га қарши чиройли ўйнади ва ҳаттоки гол ҳам урди. Шу боис бугунги баҳсда ҳам унга имконият бердик. 

-  “Бухоро” билан “Андижон” ўртасидаги очколар фарқи энди 10 тани ташкил қилмоқда. Жамоангизни Суперлигага чиқишига ишонасизми?

-  Сиз 1-ўринни назарда тутяпсиз, тўғрими? Бироқ дастлабки иккита ўринни эгаллаган жамоалар Суперлигага чиқади. Шундай экан, яна 5 та тур бор ва кўп нарса ўзгариб кетиши мумкин. Ўйлайманки, барчаси олдинда. Биз кейинги турда дам оламиз ва кейин “Хоразм”ни қабул қиламиз. Сўнгра, “Турон” билан ўйнаймиз. Жуда ҳам муҳим ўйинлар ва биз албатта очколарни жамғаришимиз керак. Яна қайтараман: ҳали кураш тугамади. 

-  “Бухоро” 3-ўринни қўлга киритадиган бўлса, Суперлига жамоаси билан плей-оффда ўйнайди. Бунга “Бухоро”ни кучи етадими?

-  Ҳали ҳеч нима демайман. Чунки кураш ўз якунига етмади. Ҳозирча 3-ўринда кетяпмиз ва ҳали имкониятимиз бор. Олдиндаги 5 та турдан кейин барчаси ойдинлашади. 2-ўрин ёки 3-ўрин ҳақида гапиришга эрта. Фақатгина тайёргарлик кўриш ва ютиш лозим. Балки 1-ўрин масаласи 90 фоизга аниқ бўлгандир, аммо 2-ўрин масаласи ҳали ҳал бўлмади. 

Rating: +2   

Comments

championat.asia
< show latest news
Яндекс.Метрика