Latest news

12:26Англия терма жамоаси тарихда илк бор Африка жамоасига мағлуб бўлди  1 12:02ЖЧ саралаш учинчи босқич якунлари. Тўртинчи босқич қачон бўлади?  6 11:36Доннарумма ПСЖни тарк этиши мумкин. Клуб янги шартнома бўйича келишувга эриша олмади  4 11:02“Бавария“ Испания МТЖ аъзосини сотиб олмоқчи  0 10:36“Бетис“ Антони бўйича МЮга таклиф билан чиқди  0 10:10“Бавария“ футболчиси фаолиятини “Ал Насср“да давом эттириши мумкин  0 09:45“Интер“нинг клублар ўртасидаги ЖЧга қайдномаси маълум  1 09:17Саудия Арабистонликлар яна бир топ мураббийни лигага олиб келишмоқчи  2 08:49“Ювентус“ мураббий борасида бир қарорга келди  1 08:20ПСЖ 2025/26 йилги мавсум учун уй либосини тақдим этди  0 07:52Трнет Александер-Арнольднинг “Реал“даги рақами маълум  5 07:25АПЛ жамоаси Родриго билан музокараларни бошлади  4 00:30Неъматилло Қуттибоев: "Омад сабабли ғалаба қозондик деб ўйлайман"  0 00:15Гёкереш "Спортинг" учун бошқа ўйнамаслигини маълум қилди. Клуб футболчига берган ваъдасини бажармаган  5 23:57Исломбек Исмоилов: "Куч ва тезлик томонидан рақибга ҳеч қандай имконият қолдирмадик"  5

Ҳаким Фузайлов: "Бухоро" қарийб 3 йилдан буён ўз майдонида ўйнамаётган экан..." News

Ҳаким Фузайлов: "Бухоро" қарийб 3 йилдан буён ўз майдонида ўйнамаётган экан..."

Ўзбекистон кубоги 2-туридан ўрин олган "Бухоро" – "Металлург" (1:1) баҳсидан сўнг мезбонлар бош мураббийи Ҳаким Фузайлов матбуот анжуманида қатнашди.


- Ўйин ҳақида

- Ҳақиқий Ўзбекистон кубоги баҳси гувоҳига айландик. Курашларга бой ўйин бўлиб ўтди. Ҳар икки жамоа биринчи турда ўзи кутган натижага эриша олмаганди. Умуман олганда, ўйиндаги устунлик биз тарафда эди. Кам ўйин амалиётига эга бўлаётган йигитларга имкон беришга ҳаракат қилдик. Энди "Бунёдкор" ва "Сурхон" ўртасидаги учрашув натижасини кутамиз. 

- "Бухоро" "Сурхон"га қарши ўйинда пенальтидан гол ўтказганди, бугун ҳам шундан панд еди. Айнан икки ўйиндан буён пенальтидан тўп ўтказиб юбориш борасида қандай фикрдасиз?

- Фикримча, "Сурхон" билан учрашувда пенальти йўқ эди. Эътиборсизликка йўл қўйганимиз боис шунақаси ҳам бўлиб туради. Бугун ҳам қоидани буздик ва 11 метрлик белгиланди. Ҳеч қандай муаммо йўқ.

- Сўнгги турда "Бунёдкор" билан ўйнайсизлар. Жамоанинг гуруҳдан чиқиш имкониятини қандай баҳолайсиз?

- Кўрамиз, ҳозир 1 очкога эгамиз. Эртанги ўйиндан сўнг ҳаммасини билиб оламиз. 

- Собит Синдаровни алмаштирганингиздан кейин у тўғридан-тўғри кийиниш хонасига йўл олмоқчи бўлди, бироқ уни қайтардингиз. Синдаровнинг ўйини ва алмаштирилиши хусусида гапирсангиз...

- Собит Синдаров жуда яхши ўйнади. Ўйин бўйича унга эътироз йўқ. Кўп футболчиларга имконият тақдим қилиш ва Синдаровга дам бериш учун шундай йўл тутдим.

- "Бухоро" 1 очко ишладими ёки 2 очко йўқотдими?

- 1 очко йўқотдик деб ўйлайман. Албатта, ҳали ўйинни батафсил кўриб чиқиш керак, аммо ҳозирча 2 очко йўқотдик деган фикрдаман.

- Катта танаффусдан сўнг "Бухоро" ўз майдонига қайтиши ҳақида маълумотлар эълон қилинди. Бу ҳақда таассуротларингиз билан ўртоқлашсангиз...

- Мен кеча стадионда бўлдим. Менга майдон тайёр эканлигини айтишмоқда. Аммо стадион майсасига жавобгар мутахассислар озгина кутиш кераклигини сўрашди. 29 апрель куни "Хоразм" билан ўйнашимиз мумкинлиги борасида ваъда беришди. Қарийб 3 йилдан буён ўз майдонимизда ўйнамаётган эканмиз, бу мухлислар учун ҳам катта байрамга айланиб кетса керак. Албатта, бу ёқимли хабар.

Rating: +6   

Comments

championat.asia
< show latest news
Яндекс.Метрика