Гвардиола МЮни танқид қилиб, ўз жамоасини мақтади
29 sep 2017 20:05
News

Гвардиола МЮни танқид қилиб, ўз жамоасини мақтади

"Манчестер Сити" бош мураббийи Хосеп Гвардиола жамоасининг жорий мавсумдаги ўйини ва асосий рақибларидан бири "Манчестер Юнайтед" ҳақида гапириб ўтди.

"МЮ узун паслар ҳисобига ўйнамоқда ҳамда Феллайни ва Погбанинг қайтган тўпга эгалик қилиши ҳисобига иккинчи темпни кутмоқда. Ваҳоланки, уларнинг таркиби кўпроғига ҳам имкон беради. Лекин, барибир шаҳардаги қўшниларимизни ҳурмат қиламан. Бу мавсум шундай таассурот пайдо бўлаяптики, биз исталган пайтда гол ура оламиз. Олдин бундай эмас эди. Кўпроқ ҳужум қилаяпмиз, шунга қарамай самарадорликни ошириш керак. Лекин, соврин қўлга киритилмаса бу нарса омадсизлик деб қаралишини тушунаман", - деди Гвардиола.