Грилиш учун курашда МЮга рақобатчи пайдо бўлди

“Эвертон” клуби “Астон Вилла” ярим ҳимоячиси Жек Грилиш учун курашга қўшилди. Футболчи учун аввалроқ асосий даъвогар сифатида “Манчестер Юнайтед” кўрсатилаётган эди.

Грилишнинг хизматларига шахсан Карло Анчелоттининг ўзи қизиқиб қолган. Италиялик мутахассис майдон марказига ижодкор футболчи изламоқда. Грилишни эса мазкур позицияга идеал номзод сифатида кўрмоқда.

Жек 2019/20 йилги мавсум АПЛда 26 та ўйин ўтказиб, 7 та гол урди ва 6 та голли узатма берди.