Грилиш бир ойга сафдан чиққан бўлиши мумкин

"Манчестер Сити" клуби бош мураббийи Пеп Гвардиола жамоа ўйинчиси Жек Грилишнинг жароҳат олгани ҳақида маълум қилди.

"Грилиш шикастланди. Бу унинг аввалги жароҳатига боғлиқ бўлиши мумкин. "Брентфорд" билан ўйиндан кейинги машғулотларда у ўзини ёмон ҳис қилди. Бугун ҳам у ўйнамайди. Ўйлайманки, сешанба кунги ўйингача Жек тикланади", -дейди Гвардиола.

The Telegraph нашри берган маълумотга кўра эса Грилишнинг жароҳати жиддий бўлиши мумкин ва тикланиш учун деярли бир ой вақт кетади. 

Маълумот учун, Грилиш бу мавсум АПЛда 17 та ўйинда майдонга тушиб, иккита гол уришга эришди.