Грегг Берхалтер: "Ўзбекистонга қарши учрашув камчилик ва ютуқларимизни ўрганиш воситаси бўлиб хизмат қилади"
11 sep 2023 12:23
News

Грегг Берхалтер: "Ўзбекистонга қарши учрашув камчилик ва ютуқларимизни ўрганиш воситаси бўлиб хизмат қилади"

АҚШ — Ўзбекистон (3:0) ўртасидаги ўртоқлик учрашувидан сўнг мезбонлар бош мураббийи Грегг Берхалтер ўз фикрлари билан ўртоқлашди.

"Ўзбекистонга қарши учрашув камчилик ва ютуқларимизни ўрганиш воситаси бўлиб хизмат қилади. Биз ўйинимизни яхшилашга ҳаракат қиламиз ва яхшилашимиз шарт. Бунга эришамиз. Беллашувнинг сўнгги 10 дақиқасидаги ўйин услубимиз менга манзур бўлди. Гувоҳи бўлганингиздек, йигитлар олдинга бориш истагидан тўхтамади. Шогирдларим 1:0 ҳисобини сақлаб қолиш истагида ҳаракат қилмасдан, ўйинга шиддат қўша олишди.
Рақиб мудофаасида бешлик ҳаракат қилди, уни ёриб ўтиш эса мураккаб. Яна бир нарса таъкидламоқчиман, тўпни йўқотгач, ҳимояга қайтиш устида жиддий ишлашимиз лозим.
Менимча, бошланиши учун яхши. Бошқа минтақа жамоалари билан халқаро рақобат шу каби баҳсларда акс этади", - деди америкаликлар устози.