Грецияда ёрдамчи ҳакамнинг майдонга ётиб олиши натижасида ўйин тўхтатилди

Греция ҳаваскорлар лигасининг 11-туридан ўрин олган "ГАС Копанос" — "Филиппос Мелики" учрашуви ён ҳакамнинг майдонга ётиб олгани сабабли тўхтатилди. Ўйин давомида тўхталиш юзага келиб, ҳакам футболчилар билан вазиятни муҳокама қилаётган бир пайтда томошабинлардан бири ён ҳакамнинг қўлидан ушлаб торта бошлади. Натижада қанот рефериси ерга йиқилди ва кўзларини юмиб олди. 

Ҳакам эса вазиятни ўрганиш мақсадида маълум муддат ўйинни тўхтатди. Кейинчалик давом эттирилган мазкур баҳс 2:2 ҳисобида якунланди.