Геннадий Кочнев: "Ғалабани кутавериб чарчагандик"
18 apr 2023 22:34
News

Геннадий Кочнев: "Ғалабани кутавериб чарчагандик"

Tags : Генаддий Кочнев "Андижон-SGS""Ғиждувон"

Про-лиганинг 6-тури доирасида "Андижон-SGS" устидан қозонилган ғалабадан кейин "Ғиждувон" бош мураббийи Геннадий Кочнев ўз фикрларини билдирди.

- Муҳим уч очко ва илк ғалабага эришдик. Натижадан мамнунман. Оғир серия бўлиб тургани учун ғалабани қўлга киритиш осон бўлмади. Биринчи бўлимда голлар уриб олдик, иккинчи бўлимда эса ёш рақибларимиз яхши ўйин кўрсатди. Уларнинг ўйини менга ёқди. Рақиблар кўплаб яхши вазиятлар яратишди, баъзида бизга омад кулиб боқди.

- Дастлабки 30 дақиқаликда "Андижон-SGS" жамоангиздан кўра яхшироқ ўйин кўрсатди.

- Рақиб ўйинни яхши бошлади. Иккинчи бўлимда ҳам ҳужумкор ҳаракат қилди ва биздан кўра тезкорроқ ўйнади. Биринчи бўлимда 3та гол уриб олганимиз яхши бўлди. Иккинчи бўлимни эса бизнинг фойдамизга деб айтмаган бўлардим. Бизда ҳам яхши вазиятлар бўлди. Аммо рақиблар ўз имкониятларидан фойдалана олмади.

- Бешинчи турга келиб илк ғалаба қўлга киритилди. Қандай хиссиётлар ўтмоқда?

- Узоқ кутилган ғалаба, илк ғалаба - демак, хиссиётлар яхши. Чарчоқ аломатлари ҳам бор. Омадсизликлар, мағлубиятлардан кейин ғалабани кутиб чарчагандик. Бугунги ғалаба жамоанинг кайфиятини ҳам кўтаради.

Link :

Source : championat.asia

Receive latest football news directly on your phone. Subscribe for our Telegram channel!

Rating: -1