Гакпонинг "Ливерпуль" билан шартномаси 6 йилга мўлжалланган. У учун бонусларни қўшмаганда 37 миллион фунт тўланади

Журналист Фабрицио Романонинг хабар беришича, нидерландиялик вингер инглиз клуби билан 6 йиллик шартнома имзолайди.

"Ливерпуль" ва ПСВ трансфер суммасини келишиб олган. Футболчи учун бонусларни ҳисобга олмаганда 37 миллион фунт тўланади.

Кеча ПСВ Гакпо трансфери бўйича "Ливерпуль" билан келишувга эришганини эълон қилди.

Гакпо ушбу мавсум ПСВ сафида 24 та ўйинда 13 та гол урди ва 17 та голли узатмани амалга оширди. Унинг ҳисобида ЖЧ-2022да 5 та ўйинда 3 та гол бор.