Футзал. Ўзбекистон терма жамоаси Жанубий Кореяга қарши ўйин олдидан машғулот ўтказди

Ўзбекистон термаси “B” гуруҳидан ўрин олган бўлиб, Япония, Тожикистон ва Жанубий Кореяга қарши баҳс олиб боради.

Терма жамоанинг “B” гуруҳидаги илк рақиби Жанубий Корея футзалчилари бўлади. Вакилларимиз ўйин олдидан Hsing Wu университетига қарашли спорт мажмуасида машғулот ўтказди.

Машғулот юқори кайфиятда ўтди. Бош мураббий Баҳодир Аҳмедов Жанубий Кореяга қарши ўйин олдидан турли тактик услубларни ишлаб чиқди ва уларни машғулотлар вақтида синаб кўрди.



Эслатиб ўтамиз, футзал бўйича Ўзбекистон терма жамоаси Осиё чемпионатининг “В” гуруҳида Жанубий Корея, Япония, Тожикистон терма жамоаларига қарши баҳс олиб боради.

Гуруҳдаги ўйинлар тақвими қуйидагича:

1 февраль, пайшанба
13:30  Ўзбекистон – Жанубий Корея

3 февраль, шанба
13:30 Тожикистон – Ўзбекистон

5 февраль, душанба
13:30 Ўзбекистон - Япония

Эслатма: Учрашувлар бошланиши Тошкент вақти билан кўрсатилган.