Футзал. Ўзбекистон кубогининг ярим финал ва финали 6-7 майда ўтказилади

4-6 апрель кунлари бўлиб ўтган гуруҳ баҳсларидан кейин "A" гуруҳидан "Когон", "B" гуруҳидан эса "Максам-Чирчиқ" жамоалари биринчи ўрин билан ярим финалга йўл олган эди. Кубокнинг амалдаги финалчилари ҳисобланган "Ардус" ҳамда "Олмалиқ" жамоалари эса тўғридан-тўғри ярим финалга йўл олишган эди.
Ярим финал ўйинлари 6 май куни бўлиб ўтса, финал 7 майга мўлжалланган. Ярим финалда "Олмалиқ" жамоаси "Когон" билан беллашса, "Ардус" ва "Максам-Чирчиқ" иккинчи финалчи ким бўлишини ўзаро ўйинда аниқлаб олишади.

Қуйида XX Ўзбекистон кубоги ярим финал ва финал ўйинлари тақвимини келтириб ўтамиз. Барча ўйинлар "Ўзбекистон" спорт мажмуасида ўтказилади.

XX Ўзбекистон кубоги
Ярим финал, 06.05.2016

16:00. "Олмалиқ" - "Когон"
18:00. "Ардус" - "Максам-Чирчиқ"

Финал
07.05.2016

Эслатиб ўтамиз, Ўзбекистон кубогининг амалдаги ғолиби "Ардус" ҳисобланади.