Футзал. Ўртоқлик учрашуви. Таиланд МТЖ - "Олмалиқ" 5:1
14 jul 2016 10:54
News

Футзал. Ўртоқлик учрашуви. Таиланд МТЖ - "Олмалиқ" 5:1

Футзал бўйича клублар ўртасидаги Осиё чемпионатига йўл олган Ўзбекистон чемпиони "Олмалиқ" кеча Таиланд миллий терма жамоаси билан назорат учрашуви ўтказди.

Олмалиқликлар расмий сайти берган маълумотга кўра жамоа таркибида фақатгина Хуршид Умаралиев кичик жароҳати сабаб ўйинда иштирок эта олмаган. Ҳужумкор ўйинда таиландликларнинг қўли баланд келди - 5:1. Эътиборга молик томони, Таиланд терма жамоасини айни пайтда испаниялик мутахассис Мигел Родриго бошқармоқда. Ушбу мураббий Тошкентда бўлиб ўтган Осиё чемпионатида Япония терма жамоасини бошқарган эди.

Ўртоқлик учрашуви

Бангкок, "Sports Authority Gymnasium"

Таиланд МТЖ - "Олмалиқ" 5:1

Голлар: Пхукан 6, Ванлоп 16, Варут 26, Виват 28, Кирати 35 - Андрей Шлема 19

Учрашувдан кейин Таиланд терма жамоаси бош мураббийи Мигел Родриго ўз фикрларини билдириб ўтди.

"Олмалиқ" клубига қарши ўйинда шогирдларимнинг ҳаракатларидан қониқдим. Биз бор йўғи бир неча кун тайёргарлик кўрдик. Жамоамизда супер юлдузлар йўқ, бу жамоавий ўйинни ривожлантиришимизга хизмат қиладиган омил. Бундай ҳолатда жамоа саноқли ўйинчиларга таяниб қолмайди", - дея таъкидлаб ўтган Мигел Родриго.