Футзал. Олий лига. Ярим финал. "Ардус" иккинчи финалчи

Кеча амалдаги чемпион "Олмалиқ" финалга чиққан эди. Бугун Тошкентнинг "Ардус" ҳамда Қаршининг "Дўстлик-AIN" жамоалари иккинчи финалчини аниқлаб берадиган ҳал қилувчи учинчи ўйинни ўтказишди. "Ардус" йирик ғалабани қўлга киритди ва финалга йўл олди.

Учрашувнинг биринчи дақиқасидаёқ чиройли комбинацияни Фарҳод Абдумавлонов гол билан якунлади ва жамоасини ҳисобда олдинга олиб чиқди.

Бугун учта ўйинлик дисквалификациядан сўнг "Дўстлик-AIN"нинг асосий дарвозабони Акмал Хазратқулов сафга қайтган, лекин жамоа сардори Ойбек Полвонов сариқ карточкалари иккитага етгани сабабли беллашувни ўтказиб юбормоқда.

Бугунги учрашувни "Ўзбекистон" спорт мажмуасидан бевосита ЎФФ президенти Мираброр Усмонов, ЎФА президенти Фазлиддин Сраджиддинов, МОҚ бош котиби Ойбек Касимов, ЎФФ биринчи вице-президенти Сардор Раҳматуллаев, ЎФА вице-президенти Жаҳонгир Усмонов, ТЖМ директори Асқар Толибжонов, Ўзбекистон миллий терма жамоаси бош мураббийи Самвел Бабаянлар кузатиб боришмоқда.

Олий лига, ярим финал
04.05.2016

"Ардус" - "Дўстлик-AIN" 7:2

Гол: Ф.Абдумавлонов 1, 22, Т.Абдураззоқов 6 (автогол), Д.Раҳматов 19, 26, А.Юнусов 22, 27 - У.Боймаматов 17, Т.Абдураззоқов 39

"Ардус" (биринчи бешлик): Николай Кравченко, Артур Юнусов, Дилшод Ирсалиев, Дилшод Раҳматов, Фарҳод Абдумавлонов.
Захира: Равшан Элибоев, Шахзод Бўриев, Даврон Абдураҳмонов, Элдор Ҳошимов, Даврон Чориев, Илҳом Хамроев, Алан Аминов, Элёр Самадов.

"Дўстлик-AIN": (биринчи бешлик): Акмал Хазратқулов, Феруз Фахриддинов, Шерзод Мустафоев, Тоҳир Абдураззоқов, Шахбоз Аҳмедов.
Захира: Жавоҳир Очилов, Улуғбек Боймаматов, Фарҳод Жумаев, Алишер Ибрагимов, Аъзам Саидаҳматов, Абубакир Усмон.

Огоҳлантиришлар: Ф.Фахриддинов, У.Боймаматов 31