Футзал. Клублар ўртасидаги Осиё чемпионатининг энг яхшилари
26 jul 2016 19:02
News

Футзал. Клублар ўртасидаги Осиё чемпионатининг энг яхшилари

Tags : Футзал

15-23 июль кунлари Таиландда клублар ўртасидаги Осиё чемпионати бўлиб ўтди.

Қуйида ана шу мусобақанинг ғолиб ва совриндорларини, шунингдек шахсий номинацияларда энг яхши деб топилганларни фотолар ёрдамида келтириб ўтамиз.

Япония чемпиони "Нагоя Оушенс" - Осиё чемпиони.

Ироқ чемпиони "Нафит Ал Васат" эса кумуш медалларни қўлга киритди.

Таиланднинг "Чонбури Блювейв" клуби учинчи поғонадан жой эгаллади.

Мусобақанинг ўтган йилги ғолиби "Тасисат Дарёи" (Эрон) бу сафар юришини чорак финалдаёқ тўхтатишга мажбур бўлди.

Мусобақада илк бор иштирок этган Ўзбекистон чемпиони "Олмалиқ" ҳам чорак финалдан ортга қайтди. Олмалиқликлар кейинги йил ҳам Осиё чемпионатида қатнашадилар.

2016 йилги клублар ўртасидаги Осиё чемпионатида энг кўп мухлис ярим финалдан ўрин олган "Нафит Ал Васат" (Ироқ) ва "Чонбури Блювейв" (Таиланд) баҳсига тушди. Мезбонларнинг финалдан мосуво бўлган ўйинини бевосита аренадан 11050 нафар мухлис томоша қилиб борди.

БАА чемпиони "Дибба Ал Хиссин" жамоаси "Fair-play" соврини билан тақдирланди.

"Чонбури Блювейв" аъзоси Жирават Сорнвичиан 7та гол билан мусобақа тўпурари бўлди.

Ироқ чемпиони "Нафит Ал Васат"нинг эронлик легионери Фарҳод Таваколи мусобақанинг энг яхши ўйинчиси деб топилди.

Клублар ўртасида Осиё чемпионатининг барча ўйинлари мана шу "Bangkok Arena"да ўтказилди.

Толибжон Қосимов тайёрлади

Link :

Source : championat.asia

Receive latest football news directly on your phone. Subscribe for our Telegram channel!

Rating: +9