Футзал. Бугун 12:00. АГМК Эрон чемпионига қарши баҳс олиб боради

Ўзбекистоннинг амалдаги чемпиони АГМК клуби мусобақани Ливан чемпиони "Банк Бейрут"га қарши 1:4 ҳисобидаги мағлубият билан бошлаган эди. Бугун Александр Петров бош мураббийлигидаги жамоамиз Эрон чемпиони "Мес Сунгун" билан беллашади.

Мазкур баҳс Тошкент вақти билан соат 12:00да бошланади. Учрашувни "Спорт" телеканалида тўғридан-тўғри эфирда томоша қилишингиз мумкин.

Гуруҳнинг яна бир ўйини "Сипар" (Тожикистон) ва "Банк Бейрут" (Ливан) ўртасида бўлиб ўтади. Бу учрашув Тошкент вақти билан соат 16:00да старт олди.

Эслатма: АГМК гуруҳдан чиқиш имкониятини сақлаб қолиш учун бугун форсларни енгиши шарт. Агар олмалиқликлар мағлуб бўладиган бўлишса ва нариги ўйинда "Банк Бейрут" тожикистонликларни таслим этса унда АГМК муддатидан олдин чорак финалдан қуруқ қолган бўлади.