Фрэнк Лэмпард бош мураббийлик фаолиятини бошлаш арафасида

Фрэнк Лэмпард ҳозирда “Дерби Каунти” жамоаси бош мураббийлигига асосий номзод бўлиб турибди.

39 ёшли Фрэнк Лэмпард ҳозирда телевизион эксперт сифатида фаолият олиб бормоқда. Аммо у аллақачон мураббийлик лицензиясига эга бўлган ва мураббийлик фаолиятини бошлашга тайёр.

“Дерби Каунти” эса келаси ҳафтада жамоанинг янги бош мураббийини эълон қилади. Жамоа бош мураббийлигига Фрэнк билан бир қаторда 20 даъвогар бор. Аввалроқ Лэмпардга “Испвич” жамоаси ҳам бош мураббийликни таклиф этгани ҳақида хабар берилган эди.