Франция терма жамоаси ўйинчилари финалдан сўнг қанча пул ишлаб олди?
21 dec 2022 19:27
News

Франция терма жамоаси ўйинчилари финалдан сўнг қанча пул ишлаб олди?

Франция термасининг мундиалдаги иштироки учун бериладиган молиявий рағбатлантириш миқдори ошкор бўлди. Франциянинг "RMC Sport" нашри бунга аниқлик киритди.

Францияликлар Жаҳон чемпионати финалидаги иштирок учун ташкилотчилар томонидан 29 миллион евро билан тақдирланди. Агар Франция терма жамоаси чемпион бўлганида, 41 миллион евро ишлаб оларди.

Франция футбол федерацияси молиявий рағбатлантиришнинг 30 фоиз миқдорини футболчилар, муррабийлар ва бошқа ходимларга ажратиб берган. Ҳисоб-китобларга кўра, терма жамоанинг ҳар бир аъзоси 288 минг еврога эга бўлган. Қолган 70 фоиз ютуқ пуллари федерация ғазнасида қолган.

Франция футбол федерациясининг маълум қилишича, қолган пуллар Францияда ҳаваскорлар футболини ривожлантиришга йўналтирилади.

Эслатиб ўтамиз, финал учрашувида Франция терма жамоаси Аргентинага қарши баҳс олиб борди ва ўйиндан кейинги пенальтилар сериясида (4:3 ҳисобида) мағлубиятга учради.

Link :

Source : RMC Sport

Receive latest football news directly on your phone. Subscribe for our Telegram channel!

Rating: +2