Фотомақола: "Odil Cup - 2016" фестивали иштирокчилари учун байрам кечаси

Мусобақанинг ёпилиш маросими бундай катта тадбирга айланиб кетишини ўйламаган эдик. Бир кун аввал вилоят футбол федерацияси вице-президенти, вилоят футболи масаласида, ҳоким қабулида бўлди. Унда турнир ҳақида ҳам сўз боргани бизни қувонтирди. Хайрулла Ҳайитбаевич Бозаров турнирни кузатиб бораётганлигини айтиб ўтган экан. 

Фестивалнинг иккинчи кунида "Нефтчи" жамоаси вакиллари, ёпилиш маросимига ташриф буюришларини айтиб ўтдилар. "Навбаҳор" раҳбарияти ҳам шай ҳолатда эди. Одил Аҳмедов эса оилавий қатнашди. 

2004 йилда туғилган футболчилар ўртасидаги мусобақада қатнашган футболчиларни "Навбаҳор" ва "Нефтчи" жамоаси аъзолари тақдирладилар. Аҳмедовлар оиласи эса 2002 йилда таваллуд топган футболчиларни.

"Ҳаммаси мана шу болалар футболида бошланади. Сизларга бугун яратиб берилаётган шароитлардан унумли фойдаланиб қолинг. Ёшлигимизда сиз эга бўлган шароит бўлмаган. Мана турнир бўлиб ўтган майдонни қаранг. Мазза қилиб футбол ўйнагинг келади. Истардим-ки, йиллар ўтиб айнан сизлар ҳам шундай мусобақаларни ташкил қилинглар. Футболда энг муҳими бу тартиб! Агар муваффақият қозонишни истасангиз, асло чекинманг ва меҳнат қилинг", - дейди Одил Аҳмедов.

Ёш болачаларга, ҳориж андозаси асосида байрам қилишга ҳаракат қилинди. Мана шундай баннерлар ортида, улар ўзларини катта юлдузлардек тутган бўлсалар ажаб эмас.

"Навбаҳор" мухлисларига қойиб қолмай иложи йўқ. Кичик турнирни ҳам катта байрамга айланишида уларнинг улушлари катта бўлди.

"CA"нинг ижодий гуруҳи ва мухлислар

"Олтин тўп"ни мана шу йигитча олса розимиз...

Шерзод Раимжонов ташкилотчилик учун "Championat.asia" сайтига ўз миннаддорчилигини билдирар экан. Кейинги мусобақада "Нефтчи" жамоасини ҳомийлик қилишини айтиб ўтди. Демак, сентябрь ойида ҳудди шу жамоаларни Фарғонага таклиф этамиз!

Хайрулла Холиқов ва Жасур Асланов.